شعر العامية
الحشرية بقلم الأستاذة ملك الأصفر
الحشرية
....................................
عنا جارة حشرية
وبطبعا فضولية
بتتدخل بكل الناس
بالشب وبالصبية
بتوقع بين الجيران
بطريقة غبية
بتحكي عفلان وعلان
ودوم بتعمل ذكية
.............
مرة جارتنا هيفاء
لبست كنزة خمرية
وعكتافا حطت الشال
وحملت وردة جورية
وفاتت عا بيت الجيران
شافتها الحشرية
قالت عنا المابينقال
وعملتها نرجسية
..............
ومرة طلعت إبتسام
من بيتا بالصبحية
مرت على بعض الأصحاب
ومشيت بالسوق شوية
ولما رجعت على البيت
شافتها الحشرية
راحت قالت للجيران
ما بتعرف مسؤولية
...............
واجتمعوا كل الجيران
من شان حل القضية
ومن بعد لمشاورات
من عابكرة لعاشية
اتفقوا واصدروا فرمان
بمقاطعة الحشرية
وهية رح بتطق طقيق
وركبتها العصبية
....................................
ملك محمود الأصفر
ليست هناك تعليقات:
إرسال تعليق