ركن الخاطرة
أوعى تكوني سخيفة ..........ملك محمود الأصفر
أوعى تكوني سخيفة
.......................................
لسا بإيدك لمراية
عالرايح وعالجاية
مفكرةهالزينة بتفيد
لا والله يا حلواية
الزينة زينة الأخلاق
وإنو تكوني مرباية
موبس عطور ومكياج
وهيدي هية لحكاية
...............
اعمليلك عمل مفيد
كوني بعقلك حصيفة
خلي دخل الأسرة يزيد
ومعاملتك لطيفة
القعدة وحدا ما بتفيد
أوعى تكوني سخيفة
قضى وقتك بالمليان
والشغلات الظريفة
...............
العايش من عرق لجبين
بيحافظ عالكرامة
واللي بيعتمد عالغير
هيدي قلة شهامة
قومي وقولي بسم الله
واسعي متل الحمامة
اتركي كل السخافات
واتحلي بإبتسامة
......................................
ملك محمود الأصفر
ليست هناك تعليقات:
إرسال تعليق