شعر العامية
مش مهم بقلم الأستاذة علية مصطفى خضر
مش مهم
********
الدنيا سهلة وبسيطة
بس أنت ابتسم
مفيش فلوس مش مهم
إمشي وإترسم
مفيش غموس مش مهم
شد الحزام تشبع أوام
مفيش غرام عديها
بكرة تحب وتنكوي
مفيش عنوان مش
مشكلة
المقابر خلقت للي زينا
مفيش غطا مش مهم
السما لحاف والأرض حنينة
مفيش شغل مش مشكلة
بكرة نطلع معاش والوظيفة
محجوزة مقدما بس مش لكم
مفيش أمان إلا دي حارب
عشان ترجعه وتسيده
مفيش أدب إلا دي اضربه وأدبه
ولما وزير التعليم يفصلك مش
مشكلة
مفيش أصدقاء إلا دي
من غيرهم مكنتش أنا
مفيش حظ عيب
وهيفا وفيفي بيعملوا أيه
من زمن
مفيش مفيش مفيش
مش مهم
ابتسم وبسطها تتبسط
***** علية خضر *****
ليست هناك تعليقات:
إرسال تعليق