شعر العامية
صدفة بقلم الأستاذ عبيد رياض ال حريقه
*****صدفة *****
صدفة لما قابلتها
من نظره واحدة عرفتها
عيني رسمت شكلها
و قلبي حس بقلبها
لقيت عينيها بتسألني
أنت اللي واقف مستني؟؟؟
و من زمان تسأل عني؟؟؟
قرب كدا قرب مني
رديت و قلت أيوه أنا
واقف هنا من كام سنه
يا ريت تكوني إنتي اللي أنا
بسأل عليها من سنه
كان نفسها تتكلم و خايفه
مع إنها حاسه و عارفه
إن اللي قدامها دا
يبقي أنا
لقيتني واقف و ف ذهول
و كان هيقتلني الفضول
معقول هي!!!
لاء مش معقول
لكن نظرة عينيها تقول هي
و كأنها قاعده و مستنيه
أجرى عليها
و أقول أنا
لكن يا خساره الوقت فات
راحت ماشيه من سكات
و أنا سرحان و في شتات
و عرفت بعدها بلحظات
إن اللي كانت قاعده قدامي
كانت هي
بعتت رسالة بتقول فيها
أيوه أنا اللي عينيك
جات في عينيها
*****صدفه*****
بقلمي / عبيد رياض
( عبيد آل حريقه )
24 / 11 / 2015ً
ليست هناك تعليقات:
إرسال تعليق